Mga Kwalipikasyon at Kinakailangan sa Aplikasyon sa Bend the Arc Grant
Mga Kwalipikasyon at Kinakailangan sa Aplikasyon sa Bend the Arc Grant
Ang Santa Clara County District Attorney’s Office ay malugod na naghahayag na ito ay naghahanap ng mga aplikasyon para sa Programa sa Asset Forfeiture for Racial Justice Grant. Isinusulong ng programang ito ang mga reporma sa “Bend the Arc” ni District Attorney Jeff Rosen upang matugunan ang diskriminasyon ng lahi, hindi pagkakapantay-pantay, at isulong ang katarungan sa ilalim ng sistema ng kriminal na hustisya.
Bawat taon, may nasasamsam na ilegal na pera mula sa mga gang, nangangalakal ng droga, at mga kriminal na organisasyon na nambibiktima sa mga nasa laylayan ng lipunan na komunidad. Ang programang ito ay magbibigay-daan sa District Attorney’s Office na gamitin ang mga pondo ng Asset Forfeiture upang mapakinabangan ng mga nasa laylayan ng lipunan na komunidad at mapigilan ang paggawa ng krimen sa hinaharap. Ang mga monetary grant ay igagawad sa mga organisasyon, mga indibidwal, o mga grupo na matagumpay na tumutugon sa hindi pagkakapantay-pantay ng lahi sa County ng Santa Clara.
Ang mga tatanggap ng grant ay kwalipikado para gawaran ng hanggang $5,000.
Para mag-apply, mangyaring magpadala ng isang pahinang kasulatan ng interes sa [email protected] bago matapos ang araw ng Biyernes, Mayo 10, 2024. Ang lahat ng aplikante ay dapat suriin ang kwalipikasyon at mga kinakailangan sa aplikasyon sa ibaba bago mag-apply.
Pamantayan sa Pagkakwalipikado
- Kabilang sa kahilingan na maisaalang-alang sa grant ang pamprogramang suporta, mga kaganapan, at mga isinusulong na matagumpay na tumutugon sa pagkakapantay-pantay ng lahi sa ating komunidad.
- Ang pondo mula sa grant ay dapat mapakinabangan ng mga nasa laylayan ng lipunan na komunidad sa Santa Clara County.
- Ang pondo mula sa grant ay hindi maaaring gamitin sa retroaktibong paraan (halimbawa, ang grant ay dapat igawad bago ang kaganapan/petsa ng pagsisimula ng proyekto).
- Ang mga empleyado ng DA at ang kanilang malapit na pamilya ay hindi maaaring mag-apply para sa pagpopondo.
Tandaan: Ang mga tatanggap ng Bend the Arc Grant ay dapat kumpletuhin ang kinakailangang mga tax form at maging rehistrado bilang mga vendor sa pampinansiyal na sistema ng County ng Santa Clara upang makatanggap ng pagpopondo ng grant. Mangyaring tandaan na ang mga aplikante ay hindi kinakailangan na maging non-profit na organisasyon, ngunit dapat mayroon silang Taxpayer Identification Number (TIN). Ang mga aplikante na walang TIN ay dapat makipagsosyo sa isang organisasyon na may TIN. Ang organisasyon na may TIN ang magsisilbing pinansiyal na ahente na tatanggap ng pagpopondo ng grant sa ngalan ng aplikante.
Ang mga tatanggap ng grant ay kailangang kumpletuhin ang kasunduan sa grant at mag-ulat tungkol sa resulta ng kanilang paggamit ng grant. Mangyaring tingnan ang Template sa Grant Agreement at Template ng Ulat sa Pagkatapos ng Kaganapan/Resulta ng Proyekto upang magkaroon ng pang-unawa sa inaasahan na ito bago piliin na mag-apply.
Mga Patnubay sa Aplikasyon
- Ang kahilingan sa grant ay maaaring umabot, ngunit hindi dapat, lumagpas ng $5,000.
- Ang organisasyon/indibidwal/grupo ay maaaring magsumite ng isang aplikasyon lamang.
Proseso ng Aplikasyon
- Para mag-apply, ang organisasyon/indibidwal/grupo ay dapat magsumite ng isang pahinang kasulatan ng interes.
- Ang lahat ng aplikante ay makakatanggap ng kumpirmasyon sa email.
- Ang Santa Clara County District Attorney’s Office ay susuriin ang lahat ng aplikasyon at aabisuhan ang mga aplikante sa pamamagitan ng email kapag may nagawa ng desisyon.
- Ang grantee ay kinakailangang magsumite ng pinal na ulat ng mga resulta ng proyekto at isang detalyadong talaan ng mga gastos sa ibinigay na deadline sa kasunduan sa grant.
Checklist sa Aplikasyon
Mangyaring tiyakin na ang isang pahinang kasulatan ng interes ay naglalaman ng mga sumusunod na impormasyon:
- Pangalan ng organisasyon/indibidwal/grupo.
- Address, taong tatawagan, numero ng telepono at email.
- Uri ng kahilingan: programa, kaganapan (petsa/oras), o isinusulong.
- Ang halaga ng pagpopondo na hinihiling.
- Ipaliwanag kung paano gagamitin ang pagpopondo ng grant.
- Ipaliwanag kung paano mapapakinabangan ang proyekto ng mga nasa laylayan ng lipunan na komunidad ng Santa Clara County.
- Ipaliwanag ang mga partikular na kalalabasan na nais mong makamit.
Magsumite ng isang pahinang kasulatan ng interes sa pagtatapos ng araw ng Biyernes, Mayo 10, 2024.
Para sa higit pang impormasyon, mangyaring makipag-ugnayan kay:
Deputy District Attorney Hugo Meza
Santa Clara County Office of the District Attorney - Community Prosecution Unit
70 W. Hedding St., West Wing
San Jose, CA 95110
(408) 792-2456
[email protected]